الأسئلة الشائعة

أسئلة شائعة عن الطلب والتوصيل

هل أقدر أعاين السبحة قبل ما أدفع؟

أكيد. المعاينة عند الاستلام متاحة لكل الطلبات. افتح الشحنة مع المندوب وافحص السبحة، ولو مش عاجباك ارفض الاستلام ومفيش أي التزام عليك.

هل في استرجاع أو استبدال؟

إحنا بنعتمد على المعاينة عند الاستلام بدل الاسترجاع. بعد ما تستلم الشحنة وتكمل المعاينة، مبنقبلش استرجاع أو استبدال. عشان كده اتأكد من النوع والمقاس والحبات قبل ما تقبل الشحنة.

التوصيل بياخد قد إيه؟

القاهرة والجيزة: خلال 48 ساعة. باقي المحافظات: من يومين إلى 5 أيام.

الشحن بكام؟ وهل في شحن مجاني؟

رسوم الشحن 50 جنيه داخل مصر. الشحن مجاني للطلبات التي تزيد عن 1500 جنيه. المناطق البعيدة زي سيناء وبعض مناطق الصعيد ممكن تختلف الرسوم، وبنأكد التكلفة معاك قبل ما نبعت الطلب.

بتشحنوا خارج مصر؟

حالياً الشحن داخل جمهورية مصر العربية فقط.

إزاي أطلب؟

اختار السبحة، أضفها للسلة، وكمل بيانات الطلب. ولو محتاج مساعدة تواصل معانا على واتساب: +20 111 328 6874. شوف كمان صفحة طريقة الطلب والدفع.

أسئلة عن السبح

إيه الفرق بين سبحة 33 و99 و100 حبة؟

سبحة 33 حبة هي الأخف والأسهل في الحمل، وبتتكرر ثلاث مرات للتسبيح. سبحة 99 حبة بعدد أسماء الله الحسنى. سبحة 100 حبة بتتباع غالباً بعدادين أو أربعة عدادات. وفي سبح 45 حبة لبعض الأنواع الخاصة.

إيه الفرق بين اليسر والكوك والعقيق؟

اليسر خامة بحرية بلونها الأسود الداكن، والكوك خشب طبيعي خفيف ومتنوع الألوان، والعقيق حجر طبيعي بألوان كتير زي السليماني ودم الغزال والكبدي. شوف التفاصيل في دليل المقاسات والأنواع.